XAM XAJ ASMESLISKAS

Yog vim li cas thiaj li yuav tsum txiav ua xam xaj Asmesliskas

Muaj cai pov npav thiab ua hauj lwm nrog tseem fwv. Nom tswv tsuas mloog cov neeg uas muaj cai pov npav xwb.
Tiv thaiv kom tsi txhob raug xa rovqab mus yus tebchaws. Yog hais tias koj tsi yog xam xaj es koj ua txhaum txoj cai (crime), tejzaum koj yuav raug xa rovqab mus rau koj lub tebchaws. Cov neeg uas yog xam xaj tsi raug xa rovqab.
Tiv thaiv koj tej menyuam. Yog hais tias koj txiav ua xam xaj ua ntej uas koj cov menyuam muaj hnub nyoog 18 xyoo, ces koj cov menyuam cia li yog xam xaj tib si thiab. Lawv yuav tsi raug xa rovqab vim lawv ua xam xaj lawm.

Ntawm cov ua txhaum txoj cai (crime), lawv tsuas hais txog yuav muab cov neeg ntawd xa rovqab mus rau lawv qub tebchaws xwb. Xws li txiv ntaus tus niam los yog tus niam ntaus tus txiv, ntaus tej menyuam, ntaus lwv tus tibneeg, tsi ua raws li tej nqe lus tau txiav txim rau lawd, kev haus yeeb haus tshuaj, kev nqa riam nqa phom tsi raws txoj cai, kev dag nyiaj tseem fwv, tua neeg, mos neeg ua, tej kev uas ua rau lwm tus neeg muaj kev nyuaj siab, thiab ntau ntau yam (crime) uas yog koj txhaum lawm, koj yuav raug xa rov qab yog tias koj qhov txim txhaum raug kaw li ib xyoo rov saud (txawm tias koj tsi raug mus nyob qhov taub kiag los tsuav yog koj lub txim ntev tshaj ib xyoos rov saud lawm xwb ces koj yeej raug xa robqab li).

Yuav pab txog kev tos koj tsev neeg tuaj rau teb chaws nov. Yog koj tau npav ntsuab xwb, koj tsuas muaj cai tos tau koj tus txiv/pom niam thiab koj cov menyuam uas tseem tsi tau muaj txiv/pom niam xwb. Yog koj yog xam xaj lawm, koj muaj cai tos tau koj niam koj txiv, koj tej menyuam uas muaj txwj nkawm lawm, cov kwv thiab tij laug, tej muam, thiab neeg uas koj twb qhaib lawm. Yog koj yog xam xaj lawm es koj ua ntaub ntawv tos koj cov menyuam los yog koj tus txiv/pom niam, lawv yuav tsi tau tos ntev npaum li yog koj tsi yog.
Thiaj muaj cai mus ua hauj lwm nyob rau hauv State thiab Federal.
Ua ntej uas koj yuav tau txais cov nyiaj AFDC/MFIP/GA mus lawm yav tom ntej, koj yuav tsum tau ua ntaub ntawv mus thov xeem ua xam xaj, los yog koj yuav tsum tau mus kawm ntawv AsKiv los yog kawm npaj xeem ua xam xaj. Yog koj ua li nov, koj thiaj li muaj cai txais cov nyiaj txiag pab no.
Cov neeg tsi yog xam xaj muaj kev cai khoo lawv ntau tshaj, hais txog cov kev pab GA thiab AFDC/MFIP. Yog hais tias koj khiav los rau hauv xeev Minnesota tom qab lub 3 hlis ntuj tim 1, xyoo 1997, tejzaum koj yuav tsi muaj cai txais GA yog koj tsi yog xam xaj. Yog tias koj khiav los rau hauv nov tom qab lub 7 hli tim 1, xyoo 1997, tejzaum koj yuav tsi muaj cai txais AFDC/MFIP.
Cov neeg thoj nam tawg rog, cov tsiv tuaj nkaum, thiab cov uas tau cai tsi raug xa rov qab ntawd muaj cai txais cov nyiaj muas noj (food stamps) rau lawv thawj thawj 5 lub xyoos uas lawv tuaj nyob rau teb chaws nov. Tejzaum koj yuav tsi tau cov nyiaj muas noj nov yog hais tias koj tsi yog xam xaj.
Asmesliskas cov tub rog es los so lawm thiab lawv cov poj niam menyuam muaj cai txais cov nyiaj muas noj. Tabsis mas cov uas tsi yog xam xaj es tau ua tub rog pab Amesliskas nyob rau sab Esxias qabteb xws li Nplog Teb thiab Nyab Laj Teb ntawd yuav tsi muaj cai txais cov nyiaj muas noj nov.
Koj mus ncig lwm lub tebchaws thiab nkag rovqab los tebchaws nov yooj yim dua li yog koj yog xam xaj.
Tsuas yog cov neeg tsi yog xam xaj es tau txais cov nyiaj xiam oob qhab (SSI) ua ntej lub 8 hli ntuj tim 22, xyoo 1996 thiab cov neeg uas tsi yog xam xaj tab si nws twb nyob rau teb chaws nov ua ntej lub 8 hli tim 22, xyoo 1996 uas twb yog xiam oos qhab lawm thiaj li muaj cai tau txais cov nyiaj nov tas mus li xwb.
Cov uas tsis yog xam xaj tabsis muaj hnub nyoog txij 65 xyoos rov saud lawm, es tsis xiam oob qhab, thiab cov neeg uas twb nyob hauv tebchaws no ua ntej lub 8 hli ntuj tim 22, 1996 lawm es tseem tsis tau tau txai cov nyiaj SSI nov yuav tau txais cov nyiaj raws li lub hnub nyoog, tabsis lawv tsuas tau cov nyiaj SSI nov thawj 7 xyoo lawv nyob hauv U.S. xwb. Cov neeg nov yuav tsum yog neeg thoj nam tawg rog, khiav tuaj nkaum, los yog yuav tsum tau cai raug xa rov qab. Los ua xam xaj vim tias thaum nej xav tau nyiaj SSI nws yuav tsis muaj rau nej li nej siab xav.
Yog hais tias koj tsi yog neeg thoj nam tawg rog, tsi yog neeg khiav tuaj nkaum lawv txoj sia, los yog koj tsi tau muaj ntaub ntawv tso cia tias lawv yuav tsum tsi muab koj xa rovqab thiab koj tuaj rau tebchaws nov tom qab lub 8 hli ntuj tim 22, xyoo 1996, koj yuav tsi muaj cai txais cov nyiaj SSI. Koj yuav tsum yog xam xaj los yog koj yuav tsum tuaj nyob tebchaws no li 7 lub xyoo tso koj thiaj li yuav muaj cai tau cov nyiaj nov.
Koj muaj cai mus nyob rau lwm lub teb chaws es tseem yog xam xaj Asmesliskas.
Muaj txoj cai mus ua haujlwm nyob rau hauv tseem fwv tejchaw ua haujlwm.
Tsi tau them nqi hloov ntaub ntawv. Cov neeg uas yog xam xaj, lawv tsi thas niaj xyoo hloov lawv daim ntawv xam xaj.
Tiv thaiv koj tus kheej txov tej cai uas phej hloov txog rau cov neeg uas tsi ua xam xaj. Kev cai lij choj mas lawv saib rau qhov seb yus yog xam xaj los tsi yog xwb.

Yuav ua li cas thiaj muaj cai txiav ua xam xaj Asmesliskas

Koj yuav tsum muaj 18 xyoo rov saub.
Koj yuav tsum tau ntaub ntawv nyob tebchaws no tau muaj 5 xyoo lawm. Yoj koj yuav koj tus txiv/poj niam es nws twb ua neeg xam xaj tau muaj 3 xyoos lawm ces 3 xyoo xwb koj muaj cai txiav ua xam xaj lawm thiab.
Koj yuav tsum nyob tebchaws nov li ib nrab ntawm qhov caij tau hais hauv tus cai (2 xyoo 6 hli rau cov neeg feem coob; ho 1 xyoo 6 hli rau cov yuav poj niam yuav txiv uas twb yog xam xaj lawm).
Tsis tau tawm hauv tebchaws nov mus ntev tshaj lub sij hawm tso cai.
Pom zoo tsa tes ua neeg ncaj ncees rau lub tebchaws no.
Yog it tug neeg zoo.
Cov neeg uas tsi tau kev tso cai mas yuav tsum twm, sau thiab hais tau lus AsKiv (cov tau kev tso cai lawm paub me ntsis xwb los tau lawm).
Cov uas tsi tau kev tso cai mas yuav tsum paub txog keeb kwm thiab kev cai lij choj Amesliskas (cov uas tau kev tso cai lawm paub me ntsis xwb los tau lawm).

Cov neeg uas tau kev tso cai

Cov muaj 55 xyoo uas tau nyob tebchaws nov tau muaj 15 xyoo los yog cov uas muaj 50 xyoo es tau nyob tebchaw nov tau muaj 20 xyoo xeem ua xam xaj hauv lus Hmoob tau.

Yog koj muaj 65 xyoo thiab tau nyob tebchaws no tau muaj 20 xyoo lawm, lawv thiaj li noog koj cov lus nyaib zog txog MesKas keeb kwm taum koj mus xeem ua xam xaj.

Yog koj xiam oob qhab es ua rau koj xeem tsis tau txog hais lus Meskas los yog keeb kwm thaib kev cai lij choj, koj yuav tsum mus cuag ib tug naismaum kom nws sau ib daim ntawv thiab sau nws lub npe qhia rau INS paub hais tias nws tau kuaj koj lawm es koj muaj yam mob zoo li nov.

Yuav ua xam xaj li cas

Xa daim ntawv N-400 nrog ob daim duab thiab $250 mus rau INS. ($225 yog nqe ntaub ntawv, $25.00 yog nqe nias tev.) Pejxeem xa tau lawv cov ntaub ntawv 3 hli ua ntej taum yuav ncaj 3, los yog 5 xyoo ntawm MesKas txoj cai. Tabsis tsis pub tsaj ib hnub ntawm 3 hli ntawd.
Thaum INS teb robqab tuaj lawm, mus nias tes.
Kawm ntawv AsKiv, lawv keeb kwm thiab kev cai lij choj.
Mus xamphaj tom INS. Koj yuav tau teb lus noog cuam tshuam txog keeb kwm thiab kev cai lij choj (yog hais tias koj tsi tau xeem tau ua ntej thaum koj mus xam phaj ntawd). Thiab koj yuav tau teb txog cov lus uas koj muaj sau rau hauv koj daim ntawv thov ua xam xaj (application).
Yog koj xeem tau, koj yuav tau mus tsa tes, nqa koj daim ntawv xam xaj thaib lees los ua neeg Amesliskas.
Yog koj xeem tsis tau, lawv yuav rovqab hais kom koj tuaj xeem dua, tsis pub dhau 3 lub hli. Yog zaum tib ob, koj xeem tsis tau thiab ces koj yuav rovqab tau pib dua, xws li xav ntaub ntawv thiab them nyiaj.

Yuav mus nrhiav kev pab qhov twg

Xav kawm ntawv (ESL) thiab kawm ua xam xaj, hu rau the Basic Skills Hotline 1-800-222-1990.

Yog xav tau daim ntawv thov xeem ua xam xaj (Form N-400), hu rau tus xov tooj 1-800-870-3676. Tso koj lub npe, chaw nyob, xov tooj thiab daim ntawv uas koj xav tau. Tsi li ntawd, koj tuaj nqa nyob rau tom INS los tau. Chaw nyob yog 2901 Metro Drive, Suite 100, Bloomington, MN 55425.

Nyob rau hauv Hennepin County

koj mus nqa daim ntawv thov ua xam xaj tom cov Hennepin County Service Centers nyob rau:

Downtown Minneapolis: 300 S. 6th Street; Public Service Level West, Skyway Level. Lawv qhib hnub Monday-Friday, 8-4:30p.m.
Brookdale: 6125 Shingle Creek Parkway, Brooklyn Center. Lawv qhib hnub Monday-Friday, 9-6pm thiab hnub Saturday, 9-2p.m.
Ridgedale: 12601 Ridgedale Drive, Minnetonka. Lawv qhib hnub Monday-Friday, 9-6p.m. thiab hnub Saturday, 9-6p.m.
Southdale: 7009 York Avenue South, Edina. Lawv qhib hnub Monday-Friday, 9-6p.m. thiab hnub Saturday 9-2p.m.
Maple Grove: 13720 Grove Drive, Maple Grove. Lawv qhib hnub Monday-Friday, 9-6p.m. thiab hnub Saturday, 9-2p.m.

Yog xav tau kev pab txog kev cai lij choj no hu rau:

Officina Legal: 651-291-0110 (txhua txhua haiv neeg uas nyob rau hauv Ramsey County thiab qab teb xeev Minnesota)
Southern Minnesota Regional Legal Services (SMRLS) 651-222-3299